Фото: artkomi.ru

Швейцариядағы "Бүкіләлемдік экономикалық форум" үкіметтік емес қоры "2017 жылғы саяхат пен туризмнің бәсекеге қабілеттілігі туралы" баяндамасында туристер үшін ең қауіпсіз елдердің рейтингін жасады.

Рейтингке қатысқан 136 мемлекеттің терроризм мен қылмыс деңгейі зерттелген. Қазақстан аталған рейтингте 58-орынға тұрақтап, Франция (67-орын), Италия (70-орын), Ұлыбритания (78-орын) және  АҚШ (84-орын) мемлекеттерін артта қалдырды. Ең қауіпсіз елдердің көшін бастап тұрған үш мемлекет: Финляндия, Біріккен Араб Әмірліктері және  Исландия.

Қазақстандықтар демалыс аймағы ретінде жиі таңдайтын Түркия 116, Таиланд 118, Египет 130-орынға ие болып, туристер үшін қауіп-қатер деңгейі жоғары мемлекеттер санатына енді.

 “The Qazaq Times”