Қазақстан Халық банкі 2016 жылды қалай қорытындылады?

13 наурыз күні Алматы қаласында «Қазақстан Халық Банкі» АҚ-ның 2016 жылғы жұмысы  бойынша БАҚ өкілдеріне арналған     қорытынды  есеп беру конференциясы өтті.  Конференцияға «Қазақстан Халық банкі» АҚ басқарма төрайымы - Үміт Шаяхметова, «Қазақстан Халық банкі» АҚ басқарма төрағасының орынбасарлары - Марат Әлменов, Мұрат Кошенов, Ертай Салимов қатысып, банктің өткен жылдағы атқарған жұмыстары мен қызмет көрсету саласына енгізілген инновациялық жаңалықтарымен бөлісті. Банк  басшылығы мәлімдемесіне сәйкес, назарларыңызға  «Қазақстан Халық Банкі» АҚ-ның жылдық  қорытынды есебін ұсынамыз. 

Фото: qazaqtimes.com
Халық банктің есеп беру конференциясы

«Қазақстан Халық Банкі» АҚ-ның (бұдан әрі – «банк») таза табысы 2015ж. 12 айымен салыстырғанда 9.2%-ға 131.4 млрд теңгеге дейін өсті.

Құнсыздану резервтеріне аударуға дейінгі таза пайыздық табыс 2015ж. 12 айымен  салыстырғанда 22.4%-ға 184.0 млрд теңгеге дейін өсті. Бұл пайыздық активтердің орташа қалдықтарының 38.3%-ға ұлғаюы және олар бойынша орташа пайыздық мөлшерлемелердің жылдығы 10.5%-дан жылдығы 10.6%-ға дейін өсуі есебінен, негізінде Банк 2016ж. соңғы үш тоқсаны ішінде сатып алатын Қазақстан Республикасының Ұлттық Банкінің ноталары есебінен өсті.

Таза пайыздық маржа 2015ж. 12 айындағы жылдығы 6.2%-бен салыстырғанда 2016ж. 12 айындағы жылдығы 5.5%-ға дейін төмендеді. 2016ж. 4 тоқсаны бойынша таза пайыздық маржа 5.3% құрады, 2015ж. 4 тоқсанымен салыстырғанда бұрынғы деңгейде қалды.

• Орташа меншікті капиталға қайтарым (RоAE) 2015 ж. 12 айы бойынша жылдығы 24.4%-дан жылдығы 22.3%-ға дейін төмендеді;
• Орташа активтерге қайтарым (RоAA) 2015 ж. 12 айы бойынша жылдығы 3.7%-дан 2.8%-ға дейін төмендеді.

Кредиттік мекемелердің қаражаты 2015 жылғы 31 желтоқсанға қарағанда 3.6%-ға төмендеді, көбінесе бұл 2016 жылдың ішінде ақша нарығында (қазынашылық вексельдермен РЕПО мәмілелері) Қазақстан Қор биржасы арқылы банктің және оның еншілес ұйымдарының біреуінің қарыз алу көлемінің төмендеуінен болды.  2016 жылғы 31 желтоқсанда Банктің кредиттік мекемелер алдындағы міндеттемелерінің жартысынан көбі көбінесе 2014 және 2015 жылдары «ҚазАгро» ұлттық басқарушы холдингі» АҚ-нан, «Даму» кәсіпкерлікті дамыту қоры» АҚ-нан және «Қазақстанның даму банкі» АҚ-нан экономиканың бөлек секторларын қолдау бойынша мемлекеттік бағдарламалар шеңберінде алынған қарыздардан құралды.

Шығарылған борыштық бағалы қағаздар 2015 жылғы 31 желтоқсанмен салыстырғанда көбінесе 2016 жылы 25 сәуірде айналым мерзімі 10 жыл және купон мөлшерлемесі 15% болатын, инфляция мөлшерлемесін шегеріп, жергілікті тәртіптендірілген облигацияларды 4 млрд. теңге сомасына жоспарлы өтеу есебінен және 2016 жылғы 9 қарашада Банк 2018 жылдың қарашасында бастапқы өтеу мерзімімен және жылдығы 13% купон мөлшерлемесімен, жергілікті тәртіптендірілген облигациялардың тағы бір шығарылымын 5 млрд. теңге сомасына ерікті мерзімінен бұрын өтеу есебінен 2.1%-ға төмендеді.

31.12.2016ж. жағдай бойынша банктің борыштық бағалы қағаздарына:

• әрбір шығарылым бойынша купон мөлшерлемесінің жылдығы 7.25% болғанда, 2017ж. мамырында және 2021ж. қаңтарында біржолғы өтеумен 638 млн АҚШ доллары және 500 млн АҚШ доллары сомасына өтелмеген еврооблигациялардың екі шығарылымы;
• банк 2015 жылы «Бірыңғай Жинақтаушы зейнетақы қоры» АҚ-да купонның жылдығы 7.5% мөлшерлемесі бойынша орналастырған және 2025ж. ақпанында өтелуге жататын  131.7 млрд теңге сомасына жергілікті облигациялар;
• банк 2014 жылы «Бірыңғай Жинақтаушы зейнетақы қоры» АҚ-да купонның жылдығы 7.5% мөлшерлемесі бойынша орналастырған және 2024ж. қарашасында өтелуге жататын  100 млрд теңге сомасына жергілікті облигациялар кіреді.

2015 жылдың 31 желтоқсанымен салыстырғанда «Қазақстан Халық Банкі» АҚ меншікті капиталы 2016 ж. 12  айда тапқан таза табыс есебінен 25.6%-ға ұлғайып,  666 млрд теңгені құрады.

“The Qazaq Times”