Кқрнекі сурет. Фото: ашық дереккөз

6 қаңтар мен 3 ақпан аралығында елімізге Қытай және көрші мемлекеттерден 27 мың 896 адам келген.

Денсаулық сақтау министрлігі жүргізген мониторинг бойынша, санитарлық-карантиндік пунктерде: Алматы қаласындағы халықаралық әуежайда – 21 мың 274 адам, теміржол вокзалында – 399 жолаушы тексерілген.

«ЖРВИ белгілерімен 88 адам көпшіліктен оқшау ауруханаға жатқызылды, оның 43-і жазылып шықты. Қазір стационарларда 46 адам қалды. Ауруханаға жатқызылғандардың барлығының сынамасы қосымша бақылау үшін Алматыдағы Айқымбаев атындағы аса қауіпті жұқпалы аурулардың ұлттық ғылыми орталығына жіберілді. Бұл орталық жаңа коронавирусты ПТР-диагностикалау әдістемесін игерген» делінген ведомство хабарламасында.

Жексенбідегі жағдай бойынша, әлемде коронавирус инфекциясының жаңа типімен ауырғандар 17 205-ке, ал індеттен көз жұмғандар саны 361-ге жетті. 2296 науқастың жағдайы ауыр деп бағаланып отыр және 21 558 адам осы вирусты жұқтырды деген күдікке ілініп отыр.

Сондай-ақ кеше, 2 ақпан  Қазақстан ҚХР аумағындағы індет ошағы саналытын Ухан қаласында жүрген 83 қазақстандықты, оның ішінде 80 студентті эвакуалиялаған болатын.

"The Qazaq Times"