Сәрсенбідегі АҚШ-тың федералды  қор жүйесінің (ФҚЖ) базалық пайыздық мөлшерлемені өсіргендігі жайлы мәлімдемесінен кейін әлемдік нарықтағы  мұнай бағасы қалыпты межеден бірден өскен. 

Brent маркалы солтүстік теңіз мұнай қоспасына мамырдағы  фьючерстерінің бағамы 1,85% -ға өсті. Нәтижесінде, бір барреліне 51,86 долларды құрап отыр. Сәуір айындағы WTI маркалы мұнайының бағасы 2.41% -ға қымбаттап,   бір баррельге 48.86 доллар болмақ.

Америкалық реттеушінің мәлімдемесіне дейін, Brent маркасы - 1,38% -ға, ал  WTI - 1,02% -ға қымбаттаған.

ФҚЖ-ның ашық нарық бойынша комитеті наурыз айындағы отырыстың нәтижесінде жылдық базалық пайыздық мөлшерлемені 0,5-0,75% деңгейден 0,75-1% -ға дейін арттырған.

"The Qazaq Times"