Иран армиясы АҚШ-қа соққы жасауға дайын.

Иранның әуе-ғарыш әскери күштерінің басшысы Әмір Әли Хаджизаденың сөзінше, Иран зымырандары АҚШ-тың Ауғанстан, БАӘ және Катардағы әскери базалары мен Парсы шығанағындағы ұшақ тасымалдағыш кемелерін атуға қауқарлы және дайын.

«Теһран мен Уашингтон қарым-қатынасы күннен күнге ушығып барады. Қажет болған жағдайда Иран армиясы АҚШ-қа соққы жасауға дайын. Егер олар бізге қарсы бір қадам жасайтын болса, біз оларға соққы жасаймыз» - деп мәлімдеді Хаджизаде.

Естеріңізге салайық, мамыр айының 8-і күні АҚШ президенті Дональд Трамп Иранмен арадағы ядролық келісімнен шығатынын мәлімдеді. Кейіннен Ақ үй әкімшілігі Теһранға 2015 жылы салынған санкцияларды қайтадан енгізетінін айтты.

"The Qazaq Times"