Фото: Көрнекі сурет

Оңтүстік Кореяның Спорт министрі То Чонхван КХДР-на (Корей Халықтық-Демократиялық Республикасы) 2020 жылы Токиода өтетін жазғы Олимпиадалық ойындарына бірігіп қатысуға ұсыныс жасады.  Бұл туралы «haberturk.com» хабарлайды.

Ол солтүстіккореялық әріптестерімен спорт туралы тұрақты келіссөздер өткізу мүмкіндігін де талқылаған. Онда, қос корей елінен құралатын командалар талқылануы мүмкін екені де хабарланған. Қазіргі уақытта екі Кореяның біріккен құрама командасы Индонезиядағы Азия ойындарына қатысуда.

Бәрімізге белгілі, осы жылдың ақпан айында Оңтүстік Корея мен КХДР-ның спортшылары Пхенчханда өткен қысқы Олимпиада ойындарында да бір тудың астында жиналған еді. Сонымен қатар, хоккейден әйелдер арасындағы біріккен турнирде де екі елден құралған команда бой көрсеткен болатын.

“The Qazaq Times”