Фото: News Front

Италия ішкі істер министрі Маттео Салвини: «Еуроодақ алдағы бір жылда бөлінуі мүмкін» – деп мәлімдеді.

Маттео Салвини Der Spiegel басылымына берген сұхбатында Еуроодақтың болашағы жөнінде мәлімдеме жасаған. Онда ол: «Біріккен Еуропаның болашақ тағдыры алдағы бір жылда белгілі болады. Италия бұдан былай босқындарды қабылдай алмайды. Біз бір де бір адамды қабылдамаймыз. Керсінше, бірнеше адамды елден шығаруға дайынбыз» - деген.

Естеріңізге салайық, бұған дейін Италия мен Мальта билігі өз порттарына Aquarius кемелерін кіргізуден бас тартқан. Олардың бұндай қадамға баруына кеме бортында 600-ден астам босқынның болуы себеп болған. Кейіннен ресми Римнің бұл шешіміне Франция билігі қарсы шыққан.

“The Qazaq Times”