Елімізде жыл басынан бері 100 млрд теңге игерілмеген. Бұл туралы үкімет отырысында премьер-министр Бақытжан Сағынтаев айтты. Үкімет басшысы мемлекеттік бюджеттен бөлініп, жөнді игерілмей жатқан қаражатты енді ел қазынасына қайтарып алуға жең түре кірісетінін сөз етті. 

"Экономикада игерілмеген 100 млрд теңге бар. Осы ақшаны енді қажетті салаларды дамыту үшін ел қазынасына қайтарып аламыз. Әкімдер есеп бергенде барлығы жақсы, тұралаған сала жоқ деп өзеурейді. Шынтуайтында, мемлекеттен бөлінген ақша дұрыс жұмсалмай жатыр. Сондықтан Елбасының және халықтың алдында өздерің жауап бересіңдер!" - деді, Сағынтаев.

Қазір елімізде өндіріс, ауыл шаруашылығы және құрылыс салалары қарқынды дамып жатыр екен. Игерілмеген қаражат бұдан былай осы салаларды ілгерілете беруге жұмсалмақ.

“The Qazaq Times”