Робот танк жобасы. Фото: youtube.com.

Әлемде қорғаныс саласына бөлінетін қаражат тағы бір сатыға көбейді. Стокголм бейбітшілікті зерттеу институтының көрсеткен мәліметіне қарағанда, дүние жүзі бойынша қорғаныс саласына бөлінген қаражат былтырғымен салыстырғанда 1,1 пайызға көбейіп, 1 триллион 739 миллиард АҚШ долларына жеткен. Бұл туралы «Анадолы» ақпараттық агенттігі хабарлады.

Аталған баяндамада, әлемде 9-шы орында тұрған Германияның қорғаныс бюджеті 44 млрд 300 млн долларға жетіп, 1999 жылдан бергі ең жоғары шекке жеткен. Қорғаныс саласына бөлінген бюджет бойынша 15-ші орындағы Түркияда 18 млрд 200 млн АҚШ доллары қорғаныс саласына жұмсалады.

Бұрынғыдай қорғаныс бюджеті бойынша көш басында Құрама Штат тұр. АҚШ аталған салаға 610 млрд доллар жұмсайды. АҚШ-тан кейін ретімен Қытай және Ресей елдері тұрады.

Хабарға қарағанда Ресей биыл әскери шығындарға бөлінетін қаражатты 20 пайызға азайтқан.

“The Qazaq Times”