Фото: pohnews.org

Сүрияда Ресей әскери әуе күштеріне тиесілі Су-24 бомбылаушы ұшағы апатқа ұшырады – деп хабарлайды Оxu.az ақпарат көзі.

Бүгін қазан айының 10-ы күні Сүрияның Хмеймим әуежайында Ресей әскери әуе күштерінің Су-24 бомбылаушы ұшағы апатқа ұшыраған. Салдарынан ұшақ бортында болған экипаж мүшелерінің барлығы оқиға орынында көз жұмған. РФ Қорғаныс министрлігінің мәліметінше, Су-24 ұшағы 10-шы қазан күні Хмеймим әуежайының ұшу жолағында әуеге көтерілмей жатып апатқа ұшыраған. Оқиға орынын тексеру барысында ұшақтың қозғалтқышында техникалық ақаулардың бар болғандығы анықталған.

Естеріңізге салайық, бұған дейін Сүрия аумағында әскери қызметін атқарып жүрген екі ресейлік сарбазды «Ислам мемлекеті» лаңкестік ұйымы тұтқынға алған болатын. Ал кейінен Ресей мемлкеттік думасының депутаты Виктор Водолацкий олардың террористер қолынан қаза тапқандығы жайында мәлімдеген.

“The Qazaq Times”