АҚШ-тағы Кубаның бас елшілігі. Фото: BBC.

АҚШ Куба билігін Гаванадағы Құрама Штат елшілігін қорғау талаптарын орындауға тырыспады деп айыптап, Кубаның Америкадағы 15 дипломатын елден шығарып жібермек. Бұл туралы BBC-дің онлайн қызметі хабарлайды.

Куба дипломаттарын елден шығарумен қатар, АҚШ Мемлекеттік департаменті Кубаның орталық қаласындағы елшілерін елге қайтарып алатынын білдірген. Куба сыртқы істер министрі Бруно Родригес бұл шешімді ақылға сыймайды деп бағалады.

АҚШ Мемлекеттік хатшысы Рекс Тиллерсон бұл шешім туралы берген мәліметінде: «Аталған шешім, Куба жақтың біздің дипломаттарды қорғау бойынша шаралар қолданбағаны, Вена келісімі бойынша өз міндеттерін лайықты түрде атқармағандары үшін қабылданып отыр», – деді.

АҚШ жақ соңғы айларда Кубада тұратын 20 елшісінің қауіпсіздігіне мақсатты түрде қауіп төндірген деген айыпты ортаға салып отыр. Сондай-ақ, Гаванадағы елшілікке шабуыл жасалып, дипломаттарының жараланғанын алға тартуда. АҚШ пен Кубаның бұл дипломатиялық дағдарысы екі ел арасындағы жаңа шиеленісті қалыптастырып келеді.

“The Qazaq Times”