Фото: ysia.ru

Қазақстанда бензин бағасы тағы көтеріліп, ең көп пайдаланылатын АИ 92 маркалы жанармай құны 151 теңгеге дейін жетті. 

Сонымен қазіргі уақытта  "Газпром нефть-Қазақстан" жанар-жағармай бекетінде АИ 92 маркасының литрі 151 теңге болып белгіленді. АИ 98 маркасы 181 теңгеден сатылып жатыр. Дизель отыны 150 теңге.

"Helios" бекеттеріндегі АИ 92 бағасы 150 теңге, АИ 95 164 теңге. Дизель отынын сатып алу үшін 151 теңге төлейсіз.

"Royal Petrol" жанар-жағармай бекеттерінде АИ-92  150 теңгеден сатылып жатыр. АИ 95 бағасы - 164 теңге.
"Sinooil" жанармай бекеттерінде АИ 92  маркалы бензин бағасы әзірге 146 теңге деп белгіленген.  АИ 95 маркасы 161 теңгеден сатылуда.
"Қазмұнайгаз өнімдері" ЖШС-ның сайтында көрсетілген баға бойынша АИ-92 Алматыда 147 теңгеден сатылып жатыр. АИ-95 бензині - 160 теңге.

Айта кетейік, бензин бағасы қыркүйек айының басында ғана 147 теңгеге дейін көтерілген болатын. Мұны Энергетика министрлігі Ресейден келетін бензин көлемінің қысқаруымен және Шымкент және Павлодар мұнай өңдеу зауыттарының қайта жөндеу жұмыстары үшін жабылуымен түсіндірген.

Тағы бір ескеретін жайт, Ресей экспортталатын мұнай және мұнай өнімдеріне баж салығын ұлғайтты. Ал бұдан кейін Қазақстанда да Ресейден келетін мұнай шикізатының бағалары қымбаттайды деген сөз. Яғни бензин бағасы алдағы уақытта тағы жоғарылай түсуі мүмкін.

“The Qazaq Times”