Фото: 24СМИ

Солтүстік Корея Сыртқы Істер министрі Ли Ен Хо АҚШ президенті Дональд Трампты итке теңеді.

Ли Ен Хо Дональд Трамптың «керек болған жағдайда Солтүстік Кореяны жер бетінен жоқ қыламыз» - деген сөзін «иттің үруі» деді. Ол АҚШ мәселесі бойынша журналистер алдында сөйлеген сөзінде: «Егер ол бізді иттің үруімен қорқытамын деп ойласа, онда бұл иттің түсі» - деген. Айта кететін бір жайт корей тілінде «иттің түсі» сөзі миға сыймайтын әңгіме, сандырақ деген мағынаны білдіреді.

Естеріңізге салайық, бұған дейін АҚШ президенті Дональд Трамп өз одақтастарын қорғайтын болса, онда Солтүстік Кореяның көзін жойып жіберуден басқа амалдары жоқ екендігін айтқан болатын.

“The Qazaq Times”