Фото: Gazeta-tver.ru

Әлемдегі ең танымал әлеуметтік желілердің бірі Facebook қолданушыларының саны 2 млрд. адамды құрады. Бұл туралы Facebook-тың негізін салушы Марк Цукербегр өзінің фейсбук парақшасында жазды.

Аталған жазбада «Бүгін Facebook қауымдастығын құрайтын ғаламтор қолданушыларының  саны  ресми түрде 2 млрд.адамға жетті. Біз әлемді біріктіру арқылы дамуға қадам басып келеміз. Ары қарай да жарқын болашақты жақындатуды жалғастырайық. Мен бұл саяхатта сіздермен бірге екендігіме қуаныштымын»,-делінген.

2004 жылы Гарвард университетінің 19 жасар студенті Марк Цукербергтің бастамасымен құрылған әлеуметтік желіні тәулігіне жер шарының 1 млрд-тан астам тұрғыны қолданып, 8 млрд-қа жуық бейжазба қаралады. 2016 жылы Facebook  компаниясының  жылдық табысы  27,6 млрд  долларды құрады.

“The Qazaq Times”