Фото: inform.kz

ҚР Ұлттық Банкінің зейнетақы активтерін сенімгерлік басқару жөніндегі қызметі барынша ашық болып отыр, деп хабарлайды ретеушінің баспасөз қызметі.

«БЖЗҚ зейнетақы активтерін сенімгерлік басқару жөніндегі қызметтің айқындылығын арттыру шеңберінде ҚР Ұлттық Банкі жарияланатын есептің форматын барынша ашық және жан-жақты болуына қарай қайта қарады. Инвестициялық басқару жөніндегі ай сайынғы есептің зейнетақы активтерімен жасалған мәмілелердің күні мен өлшемдері туралы мәліметтер бөлігіне толықтырулар енгізілді», – деп хабарлады Ұлттық банктің монетарлық операциялар департаментінің директоры Әлия Молдабекова.

Оның сөзінше, инвестициялар бойынша нақты жағдайларды көрсете отырып қаржы құралдарын сатып алуды, сату мен өтеуді қоса алғанда, зейнетақы активтерімен мәмілелер бойынша жан-жақты ақпарат қосылған.

Сонымен салымшылар БЖЗҚ портфелінің құрылымымен және зейнетақы активтерін инвестициялық басқару бойынша ақпаратпен БЖЗҚ сайтында танысуға болады, олар ай сайын жарияланады.

 “The Qazaq Times”