![](https://qazaqtimes.com/kk/content/uploads/2017/04/zagruzheno-800x480.jpg?token=62c3799c058d6881850131495f484d78)
Ақтөбе қалалық соты "Ислам мемлекеті" экстремистік тобын қолдауға шақырған жеті күдіктіні қамауға санкция берді. Астана соты 2015 жылы 15 қазанда ИМ-ді террорлық ұйым деп таныған еді. Бұл туралы "Орталық Азия хабар қызметі" жазды.
Ақтөбе облыстық соты баспасөз қызметінің хабарлауынша, жеті күдіктіні екі айға қамау туралы үкім 22 сәуірде шықты. Сот мәліметі бойынша, оларға "араздық туғызу" және "терроризмді насихаттау, террорлық акт жасауға шақыру" қылмыстарына қатысты айыптар тағылған.
20 сәуірде Ұлттық қауіпсіздік комитеті Қазақстанның оңтүстігі мен батысында жүргізілген рейд кезінде терроризмді насихаттаған және діни араздық туғызған 11 күдіктіні ұстағанын хабарлады. Бұған қоса, арнайы қызмет төрт радикалдық топтың әрекетіне тойтарыс берген.
"The Qazaq Times"