Фото: astana-akshamy.kz

Жамбыл облысында балабақша қызметкері бюжеттен 54 млн. теңге ұрлағаны үшін сотталды.

«Qamqor» әлеуметтік жобасы аясында Жамбыл облысы Сарысу ауданы білім бөлімінің «Ақбота» балабақшасында бюджет қаржысын жымқыру фактісі анықталды. Бұл туралы Қаржы мониторингі агенттігі ақпараттандырды.

«Балабақшаның бюджет жөніндегі жауапты қызметкері Д.Әбибуллаев өзінің қызметтік жағдайын пайдалана отырып, 2018-2021 жылдар аралығында «Халық банк» АҚ карточкалық шотына заңсыз ақша аударып келген. Осылайша үш жылда 54 миллион теңге бюджет қаражатын жымқырғаны анықталды», – делінген қаржы мониторингі агенттігінің хабарламасында.

Әбибуллаев сот үкімімен 6 жылға бас бостандығынан айырылды.

Шығынның бір бөлігі – 18 миллион теңге өтелді.

The Qazaq Times