Мьянмадағы наразылық жүрістер. фото: twitter.com/Myanmar_Now

Мьянмадағы әскерилердің билікті басып алуына қарсы наразылық соңы жаппай жұмыс тастауға ұласты. Ірі қалаларда он мыңдаған наразылар көшелерді иеледі. Бұл Мьянма тарихындағы ең ірі наразылық жүрістері болып қалды.

Мьянманың әскери билігі наразылыққа шыққан халыққа қатаң ескерту жасауда. Өткен аптада наразылық шарасында кісі өлмідері де болды. Бирма қарулы күштері наразылық шарасы тарамаса кісі өлімі көбейетінін айтып қорқытуда. Екі күн бұрын болған наразылық шарасында шерушілер мен полиция арасында қақтығыс болып кемінде екі адам көз жұмды.

Әскери билік болса наразылық шарасын ұйымдастырушылар қақтығысқа итермелеп жатқанын айтты. Наразы жұрт билікті халыққа қайтаруды, елдің дауысына құрмет етуді, бұрынғы президент Аун Сан Су Чиді босатып, «Демократия үшін ұлттық лига» партиясының жетекшілерін қамаудан босатуын талап етуде. Соған қарамастан әскери биліктің Аун Сан Су Чиге таққан айыптары барған сайын көбейіп, оны қамауға алу уқыты ұзара түсті.

Халықаралық қауымдастық пен бірқатар шет мемлекеттер әскери билікті қару қолдануын айыптап, елдің легитимді бұрынғы билігін, оның жетекшілерін босатуға шақырды.

Ал, әлеуметтік желіге тарап жатқан суреттерден Мьянманың ең ірі қалаларында иінтрескен адамдардың тобы орталық көшелерді иелеп алғанын көруге болады. Сарапшылар, әскери билік халықтан мұндай салмақты қарсылық күтпегенін айтуда.

“The Qazaq Times”