ОПЕК+ елдері мұнай өндіру көлемін тәулігіне 9,7 миллион баррельге қысқартуға келісті. Енді бірінші мамырдан бастап екі ай мерзімге белгіленген келісім жүзеге асады.

Негізінен тараптардың ортақ мәмілеге келуіне АҚШ президенті Трамп себепкер болған. Ақ үй басшысы Сауд Арабиясы мен Мексика арасындағы шиеленісті шешу үшін келіссөздерге қосылып, мұнай өндіруді қысқарту бойынша Мексика міндеттемелерінің бір бөлігін өз мойнына алды. Дональд Трамптың айтуынша, Америка энергетика саласында жүз мыңдаған жұмыс орнын сақтап қалады.

ОПЕК+ отырысының қорытындысына Құрама Штаттарымен қатар, Ресей тарапы да оң баға беріп отыр. Елдің энергетика министрі Александр Новактың сөзінше, осы мәселені шешу жолында қандай да бір қадам жасалмағанда, әлемдегі мұнай қоймалары 1 жарым айдың ішінде-ақ толып қалар еді.

"The Qazaq Times"