Билл Гейтс

Америкалық кәсіпкер Билл Гейтс Microsoft компаниясының басшылығынан кетті.

Гейтс енді денсаулық сақтау, білім, ғылым саласындағы қайырымдылық және климаттың өзгеруі мәселесін зерттеумен айналыспақ. Бірақ кәсіпкер компанияның бас директорының техникалық мәселелер жөніндегі кеңесшісі ретінде қызметін жалғастырады.

Microsoft компаниясын 1975 жылы Билл Гейтс пен Пол Аллен құрған. Іскер программистер құрған операциялық жүйе бірнеше жыл компьютер саласында кеңінен қолданылып, дербес компьютердің жаппай қолданысқа енуіне жол ашқан. «Форбс» журналының нұсқасы бойынша Гейтс биыл қаңтарда әлемдегі ең бай адамдардың ішінде үшінші орынды иеленген.

"The Qazaq Times"