Көрнекі сурет. Фото: ашық дереккөз

Президенттің баспасөз хатшысы Берік Уәли елімізде Наурыз мейрамы мен Жеңістің 75 жылдығына арналған әскери парадты кейінге шегергенін мәлімдеді.

Ол өзінің Facebook парағында президент Тоқаев елімізде короновирустың алдын алу мақсатында Наурыз мейрамын, Жеңістің 75 жылдығын, сонымен қатар жоспарланған басқа да халықаралық форумдардың уақытын өзгертуді  тапсырғанын жазды.

«Мемлекет басшысы елімізде коронавирустың таралуына жол бермеуге байланысты Наурыз мерекесіне арналған қоғамдық шараларды және елордада Жеңістің 75 жылдығына арналған әскери парадты өткізбеу туралы шешім қабылдады. Сонымен қатар бұған дейін жоспарланған халықаралық форумдарды кейінге шегеруді тапсырды», – деп жазды Берік Уәли.

Мәдениет және спорт министрі Ақтоты Райымқұлованың айтуынша,  Тоқаевтің қатысуымен өтетін «Шымкент – ТМД елдерінің мәдени астанасы» салтанатты жиыны кейінге қалдырылған.

"The Qazaq Times"