Ұлыбритания премьер-министрі Борис Джонсон. Фото: https://www.forex.blog

Біріккен Корольдікте мерзімінен бұрын парламенттік сайлауға дайындық басталды, – деп хабарлайды The Guardian.

Лейбористік партияның жетекшісі Джереми Корбиннің айтуынша, премьер-министр Борис Джонсон Брюссельмен ортақ келісімге келе алмауы мүмкін. Сол себепті кезектен тыс парламенттік сайлау өткізілмек.

Аталған саяси шара биыл 12 желтоқсанда өтеді. Британия премьер-министрі Борис Джонның айтуынша, саяси дағдарыстан алып шығудың бірден бір жолы – мерзімінен бұрын парламенттік сайлау өткізу. Сонымен қатар, сайлаудан кейін Біріккен Корольдіктің Еуропалық одақпен Brexit келісімі төңірегіндегі дау және Солтүстік Ирландиямен шекара мәселесі де шешім табады.

Ұлыбритания ЕО-дан биыл 29 наурызда, яғни қауымдастықтан шығу туралы жазбаша хабарлама берілгеннен кейін екі жыл өткен соң кетуі керек еді. Алайда британ Парламенті Қауымдар палатасының депутаттары Брюссель мен бұрынғы премьер-министр Тереза Мэй үкіметі арасында қол жеткізілген Brexit шарттары туралы келісімнің жобасын үш рет кері қайтарған. Нәтижесінде Еуропалық одақ Brexit-ті алдымен сәуір немесе мамырға, содан кейін 31 қазанға бекітуге келісті. Алайда Brexit келісімі кезекті мәрте басқа уақытқа ауыстырылды. Бұл дегеніміз, елде саяси дағдарыстың орын алып жатқанын білдіреді.

"The Qazaq Times"