АҚШ-тың NASA Ғарыш агенттігінің Parker Solar зонды Күнге қатысты жаңа құбылыстарды ашты.

Reuters агенттігінің мәліметінше, аталған аппарат күн желінің екпіні бұған дейін айтылып келген болжамнан да күшті екенін анықтаған. Нақтырақ айтсақ, ол секундына 30-50 шақырым жылдамдықпен соққанын байқаған. «Бұл әдеттегіден 20 есе артық», – дейді мамандар. Ғалымдар тың мәліметтер Күн туралы маңызды мағлұматтарды жіберіп алғанымызды көрсетеді деп отыр.

«Паркер» зонды Күнге өткен жылы аттандырылған. Аппарат биыл сәуір және қарашада өзге күн ғарыш зондтарына қарағанда Күнге әлдеқайда жақын барып зерттеген болатын.

"The Qazaq Times"