«Perseverance» ровері. Фото: pcmag.comg

Марсқа сәтті қонған NASA-ның «Perseverance» ғарыш құралы Жерге мәлімет жіберді. Қону сәті шамамен жеті минутқа созылған.

Миссияның басты міндеті – Марста тіршілік ізін іздеп көру. Себебі ғалымдар «қызыл ғаламшарда» 3-4 миллиард жыл бұрын өмір болған дейді. Ғарыш құралының Марсқа табан тіреген сәт барлық тұрғындар көре алатындай тікелей эфирде көрсетілді. Тарихи мезетке Франция президенті де  таиашалады.

«Perseverance» АҚШ-тан өткен жылдың шілдесінде аттанған болатын. Оны алып ұшқан зымыран Марсқа 500 миллион шақырым жүріп жеткен. Бірақ «қызыл ғаламшарға» қону анау айтқандай жеңіл болмады. Себебі Марс атмосферасында газ қысымы өте жоғары. Бұған дейінгі миссиялардың 60%-ы сәтсіз аяқталған.

Былтыр жазда Біріккен Араб әмірлігі атмосферсын, климатын және жыл мезгілін зерттеу мақсатында «Әл-Амал» спутнигін Марсқа ұшырған болатын. Ақпанның басында Марс орбитасына Қытайдың ғарыш зонды шығарылған. Қондырғы Марсқа мамырда қонады деген болжам бар.

"The Qazaq Times"