Солтүстік Корея Пхенан-Намдо провинциясынан Жапон теңізіне қарай тағы 2 зымыран ұшырды. Бұл туралы Yonhap агенттігі хабарлады.

Балистикалық зымырандар экономикалық аймақтан 370 шақырым жерге сәтті қонған. Жыл басынан бері Солтүстік Корея 12-рет қауіпті қаруын сынақтан өткізген.

Былтыр қарашада АҚШ Солтүстік Кореядан жасырын зымыран базаларын тапқан. Сол уақытта он үш баллистикалық зымыран базаларының таулы аймақтарда орналасқандығы белгілі болып, оларды іске қосатын қондырғылар анықталмаған.

КХДР осыған дейін мамыр, шілде және тамызда сынақ жүргізіп, Жапон теңізіне қарай бірнеше мәрте зымыран ұшырған болатын. Тамыздың өзінде Пиоңяң 5 сынақты жүзеге асырған. Ресми Пиоңяң бұл сынақтарды Америка мен Оңтүстік Корея арасындағы бірлескен жаттығуға қарсылық есебінде жүргізіп отырғанын мәлімдеген.

"The Qazaq Times"