Тоқаевтың жарлығымен Дариға Нұрсұлтанқызы Сенат төрағасы болып қайта сайланды

ҚР президенті Қ.Тоқаев пен "президенттікке потенциалды" посттағы Сенат төрағасы Д.Назарбаева. Фото: Ақорда

Биыл 20 наурыздан бастап 12 тамызға дейін Сенат төрағасы лауазымында болған Дариға Назарбаева бүгін қайтадан бас спикер болып тағайындалды.

2016 жылдың 15 қыркүйегінде экс-президент жарлығымен сенат депутаты орнына келген Назарбаева Тоқаевтың жарлығымен тамыздың 12-сі бас сенаторлықтан босап, сенат депутаты болып қалған еді. Бүгін президенттің ұсынымын оқыған ПӘ басшысы Қ.Көшербаевтың «Дариға кандидатурасын» депутаттар құпия дауыс беру арқылы бірауыздан мақұлдап, сайлаған.

Заң бойынша Парламенттің жоғарғы палатасын басқаратын спикер сайлау өткенге дейін автоматты түрде уақытша президент атанатынын ескерсек, бұл лауазым президенттің саяси «ерік-жігерінің тәуелсіздігін, дербестік амбициясын айқындайтын параметр» дейтін сарапшылардың тамыздағы ауыс-түйістегі үміті жаңа шешіммен күмәнға айналғандай. Тоқаевтың Дариғаға отыз күнде екі жарлық шығаруында не сыр бар? Ел ішінде бұл «түсініксіз тағайындаудың» әртүрлі сыбыс-қауесетке себеп болуы әбден мүмкін.