Моңғолия президенті Халтмагийн Баттулга мен АҚШ басшысы Дональд Трамп,

АҚШ Моңғолиямен стратегиялық әріптестік орнатқан бесінші ел.

Моңғолия президенті Халтмагийн Баттулга Уашингтонға жасаған сапарында екі ел арасындағы қарым-қатынас жөнінде мәлімдеме жасады.

«Президент Дональд Трамп екеуміз кездесіп, пікір алмастық. Келіссөздің басты тақырыптарының бірі Моңғолия мен АҚШ арасындағы сауда-экономикалық әріптестікті одан ары дамыту болды. Ұлан-Батыр Уашингтонды өзінің сауда-экономикалық әріптесі және инвесторы деп бағалайды. АҚШ Моңғолиямен стратегиялық әріптестік орнатқан бесінші ел» - деді Баттулга.

Моңғолия президенті АҚШ-қа шілде айының 29-ы мен тамыз айының 3-і күні аралығында ресми іссапармен барған. Онда ол Ақ үй басшысы Дональд Трамппен жеке және кеңейтілген форматта кездесулер өткізіп, заң шығарушы орган өкілдерімен Моңғолияның үшінші елдермен сауда-саттық жасауына байланысты заң жобасын талқылаған.

"The Qazaq Times"