Фото: Азаттық радиосы

Нұр-Сұлтанда ондаған адам президент әкімшілігінің алдына жиналып, белгілі бір сот үкімдеріне қатысты наразылығын білдіріп жатыр.

Сонымен қатар, олар президент Қасым-Жомарт Тоқаевпен кездесуді талап етіп, кешке дейін ғимарат алдынан кетпейтінін айтып отыр. Мәліметтер бойынша, наразылар «Жоғарғы сот төрағасы Жақып Асановтың отставкаға кетуін» талап етеді. Жиналғандардың ішінде «заңсыз сот шешімінің негізінде жалғыз баспанасынан айырылдық», «баласының өлімін дұрыс тергемеді», «жақынын жазықсыз түрмеге отырғызды» деп келгендер болған. Наразылардың арасында Алматы, Көкшетау, Петропавл және Павлодар қалаларынан барған адамдар бар.

Наразы топ осымен екінше рет президент Тоқаевпен кездесуді талап етіп отыр. Бірінше рет олар Нұр-Сұлтанда 4 маусымда жиналып, «Нұр Отан» партиясының орталық ғимаратына жиналған.

"The Qazaq Times"