Сауда-саттық қорытындысы бойынша Лондон мен Нью-Йорктің шикізат биржаларында мұнай бағасы қымбаттады.

Мәліметтер бойынша, Лондондағы ICE Futures биржасында қыркүйекте жеткізілетін Brent маркалы мұнайдың фьючерстері 1,04 долларға көтеріліп, баррелі 63,86 долларға жеткен. Нью-Йорк тауар биржасында (NYMEX) тамыз айында жеткізілетін WTI маркалы мұнай бағасы 1,09 долларға көтеріліп, бір баррелі 57,34 доллар болды.

2017 жылы Қазақстан мұнайының орташа бағасы тоннасына 44 мың теңгеге жетіп, 13,6%-ға артқан болатын. Осылайша, жыл сайын отандық қара алтын бағасы қымбаттап келеді. Қазақстан экономикасы мұнай нарығына тәуелді болғандықтан, шикізат бағасының арзандап немесе қымбаттауы маңызды. Себебі ел билігі әзірге экономиканы қуаттандыратын бұдан басқа салаға бет бұра алмай отыр.

"The Qazaq Times"