Алматыда "әл-Фараби-өркениет ойшылы" деректі фильмінің көрсетілімі болды.

Бүгін әл-Фараби атындағы Қазақ Ұлттық Университетінің кинотеатрында "әл-Фараби-өркениет ойшылы" деректі фильмінің көрсетілімі болды. Оған университет ректоры Ғалымқайыр Мұтанов, Әбсаттар қажы Дербісәлі сынды фарабитанушы ғалымдар мен мәдениет және өнер қайраткерлері қатысты.

Фильм үш бөлімнен тұрады, онда әл-Фарабидің өмірі жөнінде айтылған. Деректі фильм Қазақстаннан бөлек Түркия елінің TRT телеарнасынан көрсетіледі. Бұған дейін әл-Фараби атындағы Қазақ Ұлттық Университеті голландиялықтармен бірігіп "әл-Фараби-Екінші ұстаз" деректі фильмін түсірген. Қазіргі уақытта үшінші деректі фильм Қазақстан, Түркия және Мысыр аумағында түсіріліп біткен. Болашақта Иордания мен Сүрия аумағында түсірілім жұмыстары басталмақ.

"The Qazaq Times"