АҚШ Мемлекеттік хатшысы Майк Помпео.

Иран мұнай бағасын қымбаттату үшін танкерлерге шабуыл жасаған.

АҚШ Мемлекеттік хатшысы Майкл Помпеоның айтуыншна, Иран Біріккен Араб Әмірліктері теңіз аумағында мұнай тасымалдаушы 4 танкерге шабуыл жасаған. Олардың шабуыл жасаудағы негізгі мақсаты осы арқылы мұнай бағасын қымбаттату болған. АҚШ аталмыш оқиғаға байланысты дәлелдерді келесі аптада Біріккен Ұлттар Ұйымының Қауіпсіздік Кеңесіне ұсынбақ.

Естеріңізге салайық, мамыр айының 12-і күні БАӘ шығыс жағалауындағы Фуджейра порты мыңында 4 жүк кемесіне шабуыл жасалған. Олардың екеуі Сауд Арабиясына тиесілі мұнай тасымалдаушы танкер болған. Кейіннен АҚШ кемелерге жасалған шабуылдың артында Иранның Ислам революциясын қорғау корпусы тұрғандығын мәлімдеген.

"The Qazaq Times"