"Газпромның" ең ірі газ өндіру зауытында жарылыстан кейін өрт шықты. Фото: Upstream Online

Ресей күштері Украинаға басып кіргеннен бері Ресейдің ішінде мұнай базалары мен мұнай-газ өңдеу зауыттарында жарылыстар көбейді. Айталық, бір күн бұрын Ямало-Ненецк жеріндегі «Газпром» компаниясына тиесілі газ өңдеу зауытында жарылыс болды.

Аталмыш зауыд елдегі ең ірі табиғи газ өңдеу зауыты саналады. Мәліметке қарағанда, жарылыс газ құбырларының қосылған жерлеріндегі қысымның жоғарлауынан болған.

Жарылыстан болған салдарды реттеуге ТЖМ мен «Газпром» компаниясының апат бөлімі жұмылдырылған. Компания газ өндіру жоспарында ауытқу болған жоқ деп мәлімдеді.

The Qazaq Times