Фото: akipress.org

АҚШ президенті Дональд Трамп: Қырғызстан – демократиялық құндылықтарды қолдауда аймақ көшбасшысы.

Қырғызстан сыртқы істер министрлігінің мәліментінше, сәуір айының 8-і күні Ақ үйде өткен сенім грамоталарын табыстау рәсімінде АҚШ президенті Дональд Трамп пен Қырғызстанның Америка мен Канададағы өкілетті елшісі Болот Отунбаев кездескен. Кездесу барысында Трамп «Қырғызстан – демократиялық құндылықтарды қолдауда аймақ көшбасшысы» екендігін айтып, алдағы уақытта АҚШ тарапы Қырғызстанмен екіжақты қарым-қатынасты дамыту үшін бірлесіп жұмыс істеуге дайын екендігін жеткізген.

Өз кезегінде Отунбаев Қырғызстан АҚШ-пен арадағы қарым-қатынас одан ары дамитынына және болашақта екіжақты байланыстың жаңа бағыттары ашылатынына үлкен сеніммен қарайтынын айтқан.

"The Qazaq Times"