Парламент спикері, Дариға Назарбаева. Фото: Sputnik Казахстан

Дариға Назарбаеваның әлеуметтік желілерде аккаунты жоқ.

Наурыз айының 27-і күні сенат баспасөз қызметі Дариға Назарбаеваға қатысты мәлімдеме таратты.

«Бірқатар БАҚ өкілдерінің сұрауына байланысты сенат баспасөз қызметі ҚР парламент сенатының төрайымы Дариға Назарбаеваның әлеуметтік желілер мен мессенджерлерде аккаунты жоқ екендігін мәлімдейді. Сенат басшысының ресми аккаунты ашылатын болса, ол жөнінде БАҚ өкілдеріне айтылатын болады» - делінген сенат баспасөз қызметі таратқан мәлімдемеде.

Естеріңізге салайық, бұған дейін Дариға Назарбаеваның атынан ашылған «Twitter» парақшасында жарияланған: «Я придумала себе новый титул. Я буду – Еланасы!» - деген жазба ел арасында қызу талқыланып, қатаң сынға ұшыраған.

"The Qazaq Times"