Фото: Радио Азаттык

Нұрсұлтан Назарбаевтың үлкен қызы Дариға Назарбаева парламент спикері болып тағайындалды.

Дариға Назарбаева құпия дауыс беру арқылы парламент спикері болып сайланды. Оны дауыс беруге қатысқан 44 депутаттың 44-і де қолдаған. Бұған дейін ол парламент сенатының халықаралық қорғаныс және қауіпсіздік істері комитетін басқарған.

Дариға Нұрсұлтанқызы Назарбаева 1963 жылы 7 мамыр күні дүниеге келген. Киров атындағы Қазақ Ұлттық Университетін, Ломоносов атындағы Мәскеу мемлекеттік университетін бітірген.  Мамандығы тарихшы, тарих және әлеуметтану пәнінің мұғалімі. Тарих ғылымдарының кандидаты, саясаттану ғылымдарының докторы.

"The Qazaq Times"