Фото: dw.com

Душанбе қалалық соты Тәжікстанның халық ақыны Гулназар Келдидің немересі Икбол Келдиевті 14 жылға соттады.

28 жастағы Икбол Келдиев "Ансоруллох" экстремистік ұйымының мүшесі ретінде Ауғанстанда "Талибан" қозғалысы жағында соғысқа қатысқан делінген сот шешімінде. Сот отырысы туыстарының қатысуынсыз жабық есік жағдайында өткен.

Икбол Келдиевті 2018 жылдың аяғында ауған түрмесінен Тәжікстанға экстрадициялаған. 2015 жылы ол Құндыз провинциясында тәлібтермен бірге ұсталған. Онда жалған ауған төлқұжаты болған. 2016 жылы Ауғанстан соты Келдиевті үкіметке қарсы соғысты, жалған құжат жасады деген айыппен 16 жылға соттаған.

​Икбол Келдиевтің атасы, халық ақыны Гулназар Келди немересінің шын мәнінде сотталғанын мойындады. "Икбол – менің немерем. Ол Ресейге жұмыс істеуге кеткен еді. Ол жақта экстремистік топтың ықпалына түсті. Алдымен Пәкістанға барған, ол жақтан жараланып, Ауғанстанға өткен. Ол кінәсін мойындады, қазір өкінеді", - деді Тәжікстанның халық ақыны.

"The Qazaq Times"