Фото: avia2.ru

Моңғолия билігі алты бірдей халықаралық әуежай салмақ.

News.mn порталының мәліметінше, 2017 жылы Моңғолияға 470 мың турист келген. Нәтижесінде ел экономикасына 400 миллион доллар қаржы түскен. Сарапшылар пікірінше, Моңғолияға туристердің 36 пайызы аймақтың әдемі табиғатын көру үшін барады. Ал 28 пайызы моңғол даласына көшпенділер өмір салтын қызықтау үшін ат басын бұрады.

2020 жылға қарай ел билігі Моңғолияға келетін туристер санын 1 миллионға жеткізуді көздеп отыр. Ол үшін Увс, Ховд, Увурхангай, Умнугоби, Дорнод және Хувсгул аймақтарына алты бірдей халықаралық әуежай салу жоспарланған. Егер Моңғолия жылына 1 миллион турист келетін болса, онда ел экономикасына 1 миллиард доллар кіріс кіреді.

"The Qazaq Times"