АҚШ президенті Дональд Трамп. Фото: News Front.

АҚШ президенті Дональд Трамп Үндістанға Ресейден С-400 зымыран жүйесін сатып алғаны үшін жауап беретінін айтты.

Дональд Трамп қазан айының 10-ы күні Үндістан мен Ресейдің сауда байланысына қатысты мәлімдеме жасады. Онда ол: «Үндістан Ресейден С-400 зымыран жүйесін сатып алғаны үшін жауап береді. Біз оларға жауап береміз. Олар бұл жөнінде жақын аралықта білетін болады» - деді.

Естеріңізіге салайық, бұған дейін БАҚ беттерінде Ресей мен Үндістан құны 5 миллиард долларды құрайтын С-400 зымыран жүйесін сатуға байланысты сауда келісіміне келгендігі жөнінде ақпарат тараған. Кейіннен Үндістан құрлық әскері бас штабының басшысы Бипин Рават: «АҚШ-тың Үндістанға Ресеймен сауда байланысын жасағаны үшін салатын санкциялары Денлидің бұл шешіміне әсер етпейді» - деп мәлімдеген.

"The Qazaq Times"