Фото: media.pri.org

Оңтүстік Кореяның экс-президенті Ли Мен Бак 15 жылға сотталды. Оған сыбайлас жемқорлық жасады деген айып тағылған. Бұл туралы Reuters агенттігі хабарлады.

Ли Мен Бак 2008-2013 жылдары Оңтүстік Корея президенті лауазымын атқарды. Осыған дейін ол Samsung компаниясынан пара алды деген күдікке ілінген. Бұл жолғы жаза бұрынғыдан ауыр. Прокуратура экс-президентті 20 жылға соттау керектігін айтқан және 11,5 млн доллар айппұл салды.

Еске сала кетейік, былтыр Оңтүстік Кореяның тағы бір экс-президенті Пак Кын Хе билікті теріс мақсатта пайдаланды және компаниялардан қаржы жымқырды деген айыппен 24 жылға бас бостандығынан айырылған болатын.

"The Qazaq Times"