Америкалық басылымдардың хабарына қарағанда, Түркия үкіметі террорлық топтың жетекшісі деп танитын Фетхуллах Гүленнің АҚШ-тағы тұрғын үйіне қарулы күдікті басып кіруге әрекеттенген. Алайда, күдікті күзет қызметкерлерінің тосқауылына ұшыраған. Бұл туралы VOA жаңалықтар қызметі хабарлады.

Фетхуллах Гүленнің ресми өкілінің бірі,  күзетшілердің ескерту оғынан кейін, қарулы күдіктінің қашып кеткенін айтқан. Пенсильвания полициясының күдіктіні іздестіру әрекеті сәтсіз аяқталған. Дегенмен, полиция тарабы тексеруді жалғастыруда.

Гүленнің жақтастары бұл әрекеттің артында Түркия үкіметінің тұрғанына сенімді екендіктерін жеткізіп, мәлімдеме жасады. Олар және Түркия президенті Ердрғанның ресми мәлімдемешісі Гүленді елге қайтару операциясын жүзеге асыратындарын айтып сес көрсеткенін алға тартты.

1999 жылы Құрама Штатқа қоныс аударудан бұрын Фетхуллах Гүлен қазіргі түрік билігінің одақтасы болған. Кейін түрік үкіметі жағынан оған түрік секуляризмін бұзуға тырысты деген айып тағылған болатын. Ал, Гүлен болса Ердоған үкіметін жемқорлықпен айыптайды.

Ердоған билігі Фетхуллах Гүленнің  2016 жылғы төңкеріске қатысы бар деп қарайды. Сондай-ақ, оны террорист ретінде Түркияға қайтарып беруді Құрама Штаттан  талап етіп келеді.

“The Qazaq Times”