2019 жылдан бастап балабақшаға тұру кезегі  электорндық форматқа көшіріледі. Бұл туралы бүгін Үкімет отырысында Білім және ғылым министрі Ерлан Сағадиев мәлімдеді.

Ерлан Сағадиев жаңа оқу жылына дайындық барысында 99 балабақшаға күрделі жөндеу жүргізіліп оның 72-сі аяқталып қойғанын айтты.

«Ендігі маңызды жұмыс – балабақшаға кезекке тұру және жолдама беруді толығымен электронды форматқа ауыстыру. Сонда кезек жария түрде және тез жылжиды. Бұл жұмыс осы жылдың аяғына дейін барлық облыстарда аяқталуы тиіс”, – деді министр.

Жергілікті бюджет қаржысы есебінен балабақшалардың жөндеу жұмыстарына 1 миллиард 300 миллион теңге қаражат көзделген. Министрдің айтуынша, әкімдіктердің ақпаратына сәйкес, балабақшалар жаңа оқу жылына дайын.

 

“The Qazaq Times”