Бразилия шекара қорғау күштерін көбейтті. Фото: www.interfax.ru.

Бразилия өзінің солтүстік көршісі Венесуэламен шекарасын жауып тастады. Жергілікті ақпарат көздері бұның Венесуэладан келетін мигранттарға қарсы жасалған шара екенін хабарлауда.

Мәліметтерге қарағанда, Венесуэладан құрлық шекарасы арқылы келетін босқындарды уақытша шектеу туралы шешімді Бразилия Федералдық соттың төрешісі шығарған.

Осыған дейінгі Бразилияның ресми статистикалық мәліметтеріне, әр күні Венесуэладан кемінде 800 босқынның елге кіретіні айтылған.

Бразилия үкіметінің мәліметінде, босқындарға шекараны жауып тастау уақыттық шара екенін. Босқындарды қабылдауға және олардың ағымын қамтамасыз етуге дайындалып болғаннан кейін шекаралардың қайта ашылатыны айтылған.

Венесуэладағы үш жылдан бері жалғасқан экономикалық дағдарыс және әлеуметтік толқудан көршілес Латын-Америка елдеріне қоныс аударушылар көбейе түскен.

“The Qazaq Times”