АҚШ мемлекеттік хатшысы Майк Помпео.

АҚШ мемлекеттік хатшысы Майк Помпео: «Иран терроризм демеушісі» - деп мәлімдеді.  

АҚШ президенті Дональд Трамп пен Иран басшысы Хасан Руханидің кездесуіне қатысты «RT» телеарнасына сұхбат берген Майк Помпео: «Иран терроризмге демеушілік ететін алып мемлекет. Қазіргі таңда АҚШ олардың осы істерінің жолын кесу үшін жұмыс істеуде. Біз Иран режимінің бағыты мен көзқарасын өзгертуді талап етеміз» - деп мәлімдеген.

Естеріңізге салайық, бұған дейін Иран Ислам Республикасының Күзет Корпусының командирі Мохаммад Әли Джафари АҚШ президенті Дональд Трамптың Иран басшысы Хасан Руханимен кездесу туралы ұсынысына: «Трамп мырза! Иран — сіздің кездесу туралы ұсынысызды қабылдай беретін Солтүстік Корея емес...  Тіпті АҚШ-тың келесі президенті де бұндай кездесуге қол жеткізе алмайды», - деген.

“The Qazaq Times”