Қытай ядролық оқ тұмсық алып жүруге қауқарлы гипер дыбыстық ұшу аппаратын сынақтан өткізді – деп хабарлайды Global Times ақпарат агенттігі.

Агенттік мәліметінше, Қытай қарулы күштері «Xingkong-2» ұшу аппаратын елдің солтүстік-батысында орналасқан сынақ алаңдарының бірінде тәжірибеден өткізген. Сынақ барысында «Xingkong-2» зымыраннан сәтті бөлініп шығып, межеленген жерге уақытында қонған.

Қытайдың аэроғарыш және аэродинамика академиясы құрастырушыларының сөзінше, «Xingkong-2» ұшу аппараты ядролық оқ тұмсықтар алып жүруге және өзінің жылдамдығының арқасында әуе қорғаныс жүйелерін айналып өтуге қауқарлы.

“The Qazaq Times”