Фото: ru.euronews.com

Сүрияның оңтүстік-батысындағы Әс-Сувейда қаласында Ислам мемлекеті террористері ұйымдастырған шабуылдар мен атыстардың салдарынан қаза тапқандар саны артуда. Соңғы мәліметтер бойынша, құрбандар саны 215-ке жеткен. Бұл туралы ru.euronews.com  агенттігі хабарлайды.

25 шілде күні жанкешті-террористер Әс-Сувейда қаласында қатарынан бірнеше жарылыс пен шабуыл ұйымдастырған еді. Әсіресе, азық-түлік базары мен орталық алаңда жойқын жарылыс жасаған болатын. Осы терактың ізін ала, қаланың өзге де аймақтарында шабуылдар басталып кеткен-ді. Соңғы ресми мәліметтер бойынша, терактіні ұйымдастырған Ислам мемлекеті бұл әрекеттерін өз мойындарына алған.

“The Qazaq Times”