Өзбекстан сыртқы істер министрі АҚШ-қа ресми іссапармен бармақ.

Өзбекстан СІМ баспасөз қызметінің мәліметінше, шілде айының 24-і мен 27-і күндері аралығында ведомства басшысы Абдулазиз Камилов АҚШ-қа ресми іссапармен барады. Онда ол діни бостандық тақырыбы бойынша министрліктер арасындағы халықаралық конференцияға қатысады және Уашингтонда бірқатар екі жақтық кездесулер өткізеді деп күтілуде.

Естеріңізге салайық, наурыз айында Өзбекстан президенті Шавкат Мирзиеев Уашингтонға ресми іссапармен барған. Онда ол АҚШ президенті Дональд Трамппен кездесіп, екі жақтық қарым-қатынас, әлемдік және аймақтық мәселелерді талқылаған.

“The Qazaq Times”