Фото: Comments.UA

АҚШ Солтүстік Корея қауіпсіздігін қамтамасыз етуге дайын – деп хабарлайды Reuters ақпарат агенттігі.

Агенттік мәліметінше, АҚШ мемелекеттік хатшысы Майк Помпео журналистер алдында сөйлеген сөзінде: «Егер Солтүстік Корея ядролық қарудан бас тартатын болса, онда АҚШ президенті КХДР қауіпсіздігін қамтамасыз етуге дайын. Ресми Пиоңяң ядролық қарудан бас тартқан күні қауіпсіз болады» - деп мәлімдеген.

Естеріңізге салайық, АҚШ президенті Дональд Трамп пен Солтүстік Корея басшысы Ким Жоң Ун маусым айының 12-і күні Сингапурдың Сентоза аралында кездеседі. Онда қос тарап КХДР-ның ядролық қарудан бас тарту мәселесі мен Корей түбегіндегі қауіпсіздік жөнінде келіссөздер жүргізеді деп күтілуде.

“The Qazaq Times”