Сүрия президенті Башар Асад қазіргі таңда Таяу Шығыста орын алып жатқан оқиғаларға қатысты өз ойымен бөлісіп, оны жаңа сипаттағы дүниежүзілік соғыс ретінде бағалады.

«Ірі державалар арасында тікелей қақтығыс бола қоймас деп үміттенемін» , - деген Асад, «Катимерини» атты грекиялық басылымның аймақтағы жағдай туралы бірқатар сұрақтарына қатысты өз ойымен бөліскен. "Сүрияда үшінші дүниежүзілік соғыс болуы мүмкін екеніне қатысты қорқынышыңыз бар ма?" деген сұраққа ол "Жоқ" деп жауап берген.

«Ең бастысы, АҚШ-тың қалай әрекет ететінін бағамдай алатын Ресейдің дана басшылығы бар. Трамп әу бастан-ақ  Ресейге қарсы шығып, Ресеймен қақтығысу немесе оны әлсірету  сияқты жоспарлар құрды. Бірақ, Құдайға шүкір, орыс басшылығының ақылы мен парасатының арқасында ондай қақтығыстар болмай тұр» , - деді Сүрия президенті.

“The Qazaq Times”