Фото: KCNA

Солтүстік Корея өзінің сағаттық белдеуінен бас тартып, оңтүстіккореялық уақытқа қосылды. Бұл туралы Кореяның Орталық телеграф агенттігі (KCNA) хабарлаған.

Агенттіктің хабарлауынша, 5 мамырдан бастап, Пхеньян Оңтүстік Кореяның сағаттық белдеуіне өтпек. Корей жарты аралының оңтүстік және солтүстігіндегі уақытты бірізділікке салу үшін Пхеньян 5 мамырға 4 мамыр күнгі түнгі сағат 23:00-де, яғни бір сағат бұрын өтіп кеткен.

Өзіндік сағаттық белдеуден бас тарту — бұл КХДР мен Оңтүстік Корея лидерлерінің арасындағы тарихи саммиттен кейінгі алғашқы тәжірибелік қадам десе болады. Еске салайық, 2015 жылы Солтүстік Корея Екінші дүниежізілік соғыстың аяқталуы мен Жапониядан азаттық алуының құрметіне өзіндік сағаттық белдеу құрған болатын.

27 сәуір күні қос Корея президенттерінің екеуара кездесулерінде екі ел басшылары бірдей сағаттық белдеуге өту керектігі туралы ортақ мәмілеге келген еді. Енді, Солтүстік Корея өз тарапынан алғашқы қадамын жасағандай.

“The Qazaq Times”