Солтүстік Корея ядролық зымырандарын сынақтан өткізуін тоқтатты – деп хабарлайды Ренхап ақпарат агенттігі.

Сәуір айының 20-ы күні КХДР басшысы Ким Жоң Ун үндеу жолдаған. Онда ол: «Сәуір айының 21-і күнінен бастап Солтүстік Корея құрлықаралық ядролық зымырандарын сынақтан өткізуін тоқтатады. КХДР уәдесінде тұрғанын дәлелдеу үшін елдің солтүстігіндегі сынақ алаңын жабады» - деген.

Естеріңізге салайық, бұған дейін АҚШ орталық барлау басқармасының басшысы Майк Помпео Дональд Трамптың тапсырмасы бойынша КХДР басшысы Ким Жоң Ун құпия кездесу өткізген болатын. Кездесуден кейін АҚШ президенті Донлаьд Трамп келіссөздердің сәтті өткендігін және алдағы апталарда Ким Жоң Унмен кездесу ұйымдастыратынын мәлімдеген.

“The Qazaq Times”